Abena Roma 9:14

pa kuti asokolole ubucindami bwa bukata bwakwe pa fipe fya luse, ifyo apekanishishe libela ku kumono bukata,

10. Mulandu nshi Yehova ashishimishisha ku babifi pa myaka 1,900 iyapitapo?

¹⁰ Pa myaka ukucila pali 1,900 ukutula apo Yesu abuukile, Yehova alitwalilila ukushishimisha “ku fipe fya bukali,” ukukanafyonaula pali iyo nshita. Mulandu nshi? Pantu na kuba, mulandu wa kuti alapekanya aba kuyaba na Yesu Kristu mu Bufumu bwakwe ubwa mu muulu. Aba babe mpendwa 144,000, kabili e “fipe fya luse” ifyo umutumwa Paulo alandilepo. Intanshi, abantu ukufuma mu baYuda e balaalikwe ku kupanga ili bumba lya ku muulu. Pa numa, Lesa alaalike abantu ukufuma mu Bena fyalo. Yehova tapatikishepo nangu umo pali aba ukumubombela. Lelo pa bayankwileko no kutasha pali iyi miteyanishishe, apeelepo bamo ishuko lya kuyaba bakateka banankwe aba Mwana wakwe mu Bufumu bwa mu muulu. Ukupekanya lilye bumba lya ku muulu nomba nakupalama ku kupwa.—Luka 22:29; Ukusokolola 14:1-4.