Ubwafya bwa Kusakamana Abana

Britain calo icikankaala. Lelo, batunganya ukuti cila mwaka, abana ba muli ici calo ukucila pali 100,000—imiku ibili ukucila ifyo baletunganya kale—balafyuka ku mwabo. Icifumamo ca kuti umo pa bana 7 alacushiwa nelyo ukucendwa.

Ian Spark, umukalamba wa kabungwe ka Children’s Society atile: “Nga ca kuti abana baleyumfwa abapaatulwa kabili abakankambwa, kuti bamona ukuti ukufyuka ni nshila ya kupwishishamo ubu bwafya.” Asosa no kuti: “Abana bonse fye balakumwa no bu bwafya—abana kuti bafyuka ku mayanda ayakankaala na yapiina.”

Ukusakamana abana no kubakansha mulimo ukalamba. Bushe ni kwi twingasanga ukwafwa? Icitabo icitila Icaba Inkaama ku Nsansa sha Lupwa calembelwa ukwafwa pali ubu bwafya. Pa fipandwa 16 ifyabamo, paba ne fitila: “Kansheni Umwana Wenu Ukufuma ku Bwaice,” “Afweni Umwana Wenu Umupungwe Ukukula Bwino,” na “Cingilileni Ulupwa Lwenu ku fya Kusonga Ifyonaula.” Mu fipandwa 16 fyonse ifya muli ici citabo mwaba ukufunda kusuma kabili, icacindamisha, fibomfya Baibolo ukuba intulo ya mano yacila ayesu.

Kuti mwalomba icitabo ca Icaba Inkaama ku Nsansa sha Lupwa pa kwisusha no kutuma akapepala kali pe samba pa keyala balangile nelyo akeyala kalinga akali pe bula 5 muli uno magazini.

□ Ntumineniko icitabo ca Icaba Inkaama ku Nsansa sha Lupwa.

Lembeni ululimi mulefwaya.

□ Shi mukantandalile ukukuma isambililo lya Baibolo ilya mu ng’anda ilya pa fye.