BASHIMAPEPO ‘BAPUNWISHA ABENGI’

(Malaki 1:1–2:17)

Yehova alanda ifyo aleumfwa pa bena Israele, atila: “Nalimutemwa.” Lelo bashimapepo nabasuula ishina lya kwa Lesa. Balisuulile shani? ‘Balepalamika pa ciipailo [cakwe] icilyo icatoolela,’ kabili baletuula amalambo ‘inama ishisunkuta nelyo ishalwala.’—Malaki 1:2, 6-8.

Bashimapepo ‘balepunwisha abengi ku malango yabo.’ Abantu ‘balefutikana umuntu onse na munyina.’ Bamo baupa abanakashi abashili baYuda. Bambi na bo balifutika ‘abakashi ba ku bulumendo [bwabo].’—Malaki 2:8, 10, 11, 14-16.

‘SHIKULU AKESA KWI TEMPELE LYAKWE’

(Malaki 3:1–4:6)

“Shikulu [Yehova Lesa] akesa no kupumikisha kwi tempele lyakwe” pamo ne “Nkombe ya Cipingo [Yesu Kristu].” Lesa ‘akapalama ku [bantu bakwe] ku kucito bupingushi’ kabili akesa bwangu ku kube nte kuli bonse abacita ifyabipa. Na kabili, “ibuuku lya kwibukisha” likalembwa umukaba amashina ya bantu abatiina Yehova.—Malaki 3:1, 3, 5, 16.

Ubushiku “ubulepya nge buku” bukesa kabili bukonaula ababifi bonse. Ilyo bulya bushiku bushilafika, Lesa akatuma kasesema ukuti “akabweseshe imitima ya bashibo pa bana, ne mitima ya bana pali bashibo.”—Malaki 4:1, 5, 6.