-
Ubukristu Bwashimikilwa Ku Bayuda Ba Mu Mwanda Wa Myaka Uwa KubalilapoUlupungu—2005 | October 15
-
-
[Chati pe bula 14]
UMUTUMWA PAULO ALIBIKILE AMANO KU BAYUDA BASALANGANINE MU FYALO FIMBI
MU 49 C.E. PA NTANSHI YA KUKUMANA MU YERUSALEMU
Imilimo 9:19, 20 Damaseke — “mu masunagoge atendeke ukushimikila”
Imilimo 9:29 Yerusalemu — “alelanda. . . na baYuda ba
ciGriki”
Imilimo 13:5 Salami, Kupro — “ukusabankanya icebo ca kwa
Lesa mu masunagoge ya baYuda”
Imilimo 13:14 Antioke mu Pisidia — “baingile mwi sunagoge”
Imilimo 14:1 Ikonia — “baingile . . . mwi sunagoge lya
baYuda”
PA NUMA YA KUKUMANA MU YERUSALEMU MU 49 C.E.
Imilimo 16:14 Filipi — “Ludia, . . . kapepa wa kwa Lesa”
Imilimo 17:1 Tesalonika — “isunagoge lya baYuda”
Imilimo 17:10 Berea — “isunagoge lya baYuda”
Imilimo 17:17 Atena — “alapelulushanya na baYuda mwi sunagoge”
Imilimo 18:4 Korinti — “alelanda mwi sunagoge”
Imilimo 18:19 Efese — “aingile mwi sunagoge no kupelulushanya
na baYuda”
Imilimo 19:8 Efese — “aingile mwi sunagoge, alandile no
kushipa imyeshi itatu”
Imilimo 28:17 Roma — “alongenye abakalamba ba baYuda”
-
-
Ubukristu Bwashimikilwa Ku Bayuda Ba Mu Mwanda Wa Myaka Uwa KubalilapoUlupungu—2005 | October 15
-
-
Inyendo sha kwa Paulo Isha Kutandalila AbaYuda Basalanganine mu Fyalo Fimbi
Umulimo umutumwa Paulo apeelwe mu kubangilila wa “kutwala ishina lya kwa [Yesu Kristu] ku bena fyalo na ku shamfumu na ku bana ba kwa Israele.”b (Imilimo 9:15) Pa numa ya kukumana kwali mu Yerusalemu, Paulo atwalilile ukushimikila konse uko abaYuda basalanganine mu fyalo fimbi. (Moneni umukululo pe bula 14.) Ici calangilila ukuti ukwakana kwa cifulo ca kushimikilamo kwali ni ncende te bantu. Paulo na Barnaba balundulwile umulimo wabo uwa Bumishonari ku masamba ya Roma, abashala bambi babombele mu Yudea na ku baYuda baleikala ku Kabanga.
Lintu Paulo na banankwe batendeke ulwendo lwa bubili ukufuma ku Antioke mu Suria, baile ku masamba ukupulinkanya Asia Minor kabili bailefika ku Troa. Bafumine kulya no kwabukila ku Makedonia pantu basondwelele ukuti ‘Lesa [alibetile] ukuyabila imbila nsuma ku [Bena Makedonia].’ Pa numa ifilonganino fyalipangilwe mu misumba imo iya mu Bulaya, ukusanshako mu Atena e lyo na mu Korinti.—Imilimo 15:40, 41; 16:6-10; 17:1-18:18.
Mupepi no mwaka wa 56 C.E., pa mpela ya lwendo lwalenga butatu, Paulo apangile ukuyafika na ku masamba pa kuti ashimikile mu fifulo ifingi ifyo apeelwe ukushimikilamo pa kukumana kwali mu Yerusalemu. Paulo abalembele ukuti: ‘Ndefwaisha ukubile mbila nsuma na kuli imwe, mwe ba uko ku Roma,’ kabili ‘nkesapita kuli imwe pa kuya ku Speni.’ (Abena Roma 1:15; 15:24, 28) Nga nani wali no kuyashimikila ku baYuda basalanganine ku Kabanga?
-