20. Ni shani mwingaiteyanya ukucita ifyo Yona acitile?

²⁰ Ilyo Yona apepele kuli Yehova “mu nda ya ku Mbo,” alilandile amashiwi ayengi ne fyebo ifyo aishibe sana, ifi fyali fyebo fya mu malumbo. (Yona 2:2) Ali no bulanda nga nshi kabili alipapeete kuli Yehova ukuti amubelele uluse, lelo nangu cali fyo amashiwi ya kwa Davidi e yaishile bwangu kuli Yona. Ica kumwenako fye, linganyeni amashiwi yaba pali Yona 2:3, 5 ku mashiwi yaba pa Amalumbo 69:1, 2.a Bushe te ca cine ukuti Yona alishibe sana amalumbo ya kwa Davidi ayaliko na pa nshita uyu kasesema ali pano calo? Aibukishe amashiwi ne fyebo fyapuutwamo ifyaba mu malumbo.