Nga wabika fye amano ku mafunde yandi, umutende obe kuti waba ngo mumana, no bulungami bobe nga mabimbi ya pali bemba.” (Esaya 48:17, 18) Bushe mwalitala amutontonkanyapo ifyo aya mashiwi yatukoselesha?

⁸ Ico Yehova aletweba pali ili lembo ca kuti, nga tulemumfwila ifintu kuti filetuwamina. Alilaya ukutupeela amapaalo yabili nga ca kutila tulemumfwila.

Ubulayo bwa cibili bwa kuti, ubulungami bwesu bukaba nga mabimbi ya pali bemba. Nga mwaiminina ku lulamba lwa bemba kabili muletamba uko amabimbi yaleima, bushe mutontonkanya ukuti yakaleka ukwima? Muleshiba ukuti amabimbi yakatwalilila ukupama ku lulamba umuyayaya. Yehova atila ubulungami bwenu, e kutila, imicitile yenu iyalungama ikaba nga mabimbi.