Kuti Twacita Shani pa ‘Kwiminina Ndi’?

12. Bushe Abena Kristu kuti baikaka shani icine mu misana?

¹² Paulo alondolwele ukuti: “E ico, iminineni ndi, abaikake cine mu misana yenu, kabili abafwala ubulungami nge ca kucinge cifuba.” (Abena Efese 6:14) Ifya bulwi fibili ifyo balandapo pano ca kuikaka nelyo ilamba ne ca kucinga icifuba.

13. Kuti twacingilila shani umutima wesu uwa mampalanya?

¹³ Ica kucinga icifuba ico umushilika alefwala calecingilila icifuba cakwe, umutima, ne filundwa fimbi ifya mubili ifyacindama. Umwina Kristu kuti acingilila umutima wakwe uwa mampalanya, e kuti umuntu wabelama uwa mu mutima, nga ca kuti natemwa ubulungami bwa kwa Yehova e lyo alekonka na mafunde ya kwa Yehova ayalungama. Ica kucinga icifuba ica mampalanya cilatucingilila ku kwangusha Icebo ca kwa Lesa. Nga ‘twapata ububi, no kutemwa ubusuma,’ tukatalusha amakasa yesu ku “nshila yonse iibi.”—Amose 5:15; Amalumbo 119:101.