• “Umwanakashi Umusuma Nga Nshi”
    Pashanyeni Icitetekelo Cabo

    • 22, 23. (a) Ni mwi nalimo mwalolele ica bupe ico Boasi apeele Ruti? (Moneni ifyebo na fimbi muli futunoti.) (b) Cinshi Naomi akoseleshe Ruti ukucita?

      22 Ilyo Ruti afikile pa ng’anda, Naomi amwipwishe ati: ‘Ni we ani, we mwana wandi?’ Nalimo icalengele ukuti epushe ifyo ni co kwalifiitile, kabili Naomi alefwaya no kuti eshibe nga ca kuti Ruti ali no kuupwa nelyo nga ali no kutwalilila fye ukuba mukamfwilwa. Mu kwangufyanya fye Ruti alilondolwelele nafyala fyonse ifyacitike ilyo ali na Boasi. Ruti apeele nafyala barle iyo Boasi amwebele ukutwalila Naomi.c—Ruti 3:16, 17.

  • “Umwanakashi Umusuma Nga Nshi”
    Pashanyeni Icitetekelo Cabo

    • c Boasi apeele Ruti ifipimo 6 ifya barle nangu ca kuti tatwaishiba ifyo fyafinine. Nalimo ico acitiile ifi kumulanga ukuti filya fine Isabata lya kutuusha lyalebako pa numa ya nshiku 6 isha kubomba, inshiku sha kwa Ruti isha kucula pamo nga mukamfwilwa shali no kupwa kabili ali no kusanga “ukutuusha” pantu nomba ali no kukwata ing’anda no mulume uwa kumusakamana. Napamo ico amupeelele fye ifipimo 6 ni co e fyo Ruti ali na maka ya kusenda.