Imibombele ya bupolitiki iyakaluka, ulukaakala, amafya ya fya bunonshi, fyonse kuti fyabalamuna icipimo ca kupelelwa. Nangu fye bantu bafika apatali mu masambililo tabacilikila ukupelelwa ilyo bafwaya ukusungilila inshila ya bumi bwabo iya busambashi ilintu balebomba ne mpika sha fya ndalama ishileingilishiwako. Ica kufumamo? “Ulumanimani lulengo wa mano ukubo watumpa,” nga fintu Imfumu ya pa kale Solomone yasosele!a (Lukala Milandu 7:7) Mu cine cine, ukupelelwa kutungulula impendwa ya bantu ileingilishiwako ukubuula inshila yabipisha iya kufuminamo—ukuipaya.