-
“Sansamusheni Abantu Bandi”Ukusesema kwa kwa Esaya—Ulubuuto lwa Bantu Bonse 1
-
-
19, 20. Ku kukomaila pa fintu Yehova akula, filangililo nshi ifyaumfwika ifyo Esaya abomfya?
19 Ni shani pa lwa nko shakwatisha amaka pe sonde, bushe shingacincintila Lesa pa kuti afilwe ukufikilisha ifyebo alaya? Pa kwasuka, Esaya alanda pa lwa nko ati: “Moneni, inko shili nge toni ilipona ku ca kutapilamo, kabili shitungwa ngo bunguluulu bwa pa ca kulingilo kufina. Moneni, akokome fishi nga kantokono! Lebanone na lo te nkuni sha kumukumana ku kukoshako, ne finama fya luko te fya kumukumana ku ca kuninika. Inko shonse shaba nge fishilipo pa mulola wakwe; shatungwa kuli wene ishishabapo kabili ishishabamo kantu.”—Esaya 40:15-17.
20 Kuli Yehova, shonse shaba fye nge toni ililetona ku ca kutapilamo. Shalingana fye no bungululu ubulongana pa ca kulingilo kufina, ubushingacisesha napacepa.c Tutile umo akuulile iciipailo icikalamba nga nshi no kutema imiti yonse iya mu mpili sha Lebanone ukuti e sha kubomfya pa ciipailo. Lyene tutile abuula inama shonse isha muli shilya mpili ukuti aninike ilambo. Nangu fye lilambo lya musango yo teti liwamine Yehova. Esaya alundapo ukulondolola kwaluma no kucilapo ati, mu menso ya kwa Yehova, inko shonse “tashaba nangu cimo.”—Esaya 40:17, New Revised Standard Version.
-
-
“Sansamusheni Abantu Bandi”Ukusesema kwa kwa Esaya—Ulubuuto lwa Bantu Bonse 1
-
-
c Icitabo ca The Expositor’s Bible Commentary citila: “Ilyo abasulwishi ba pa mishiika ya ku Fyalo fya ku Kabanga baalepima inama nangu ifisabo, tabaalepoosako amano ku kalitoni ka menshi akali mu mbeketi ya kupiminako nangu ku bungululu ubuli pa fya kulingilo kufina.”
-