• “Sansamusheni Abantu Bandi”
    Ukusesema kwa kwa Esaya—Ulubuuto lwa Bantu Bonse 1

    • Bushe Isonde Limoneka Shani?

      Ku kale abantunse abengi basumine ukuti isonde lyalibatama. Lelo, ku numa kwine mu mwanda wa myaka uwalenga 6 B.C.E., umuGriki wa mano ya buntunse Pythagoras alandilepo itontonkanyo lya kuti isonde lifwile lyalibulungana. Nangu cibe fyo, imyaka 200 ilyo Pythagoras ashilalandapo ili tontonkanyo, kasesema Esaya alondolwele mu kumfwika icine cine, kabili ukwabula ukutwishika ati: “E waikala pa cinshingwa-ng’anda ca calo.” (Esaya 40:22) Pano, ishiwi lya ciHebere chugh ilyapilibulwa “icinshingwa-ng’anda” kuti lyapilibulwa ati “icabulungana.” Na kabushe, cintu fye icabulungana e cingamoneka nge cinshingwa-ng’anda (e kuti icintengulusha) te mulandu na pantu mulecimwena.e Kanshi kasesema Esaya alandiile libela ku numa sana, ifyebo fyalungika ukulingana na sayansi kabili ifishabamo inshimi sha bena kale.

      [Futunoti]

      e Nga kukonka fye bwino, kuti twatila isonde lyaba cintu cabulungana lelo icabatamako panono pa lutwe na pa mpela.

      [Icikope pe bula 403]

  • “Sansamusheni Abantu Bandi”
    Ukusesema kwa kwa Esaya—Ulubuuto lwa Bantu Bonse 1

    • 21, 22. (a) Esaya akomailapo shani ukuti Yehova tengalinganishiwako? (b) Ukulondolola kwaumfwika bwino bwino ukwa kwa Esaya kutulenga ukufika pa cintu nshi? (c) Mashiwi nshi aya cine ukulingana na sayansi ayo Esaya alemba? (Moneni umukululo pe bula 412.)

      21 Pa kukomailapo na kabili ukuti Yehova tengalinganishiwako, Esaya atwalilila no kulangisha ubutumpe bwa bacita ifilubi fya golde, silfere, nelyo ifya fimuti. Fintu caba kutumpa ukutontonkanya ukuti icilubi ca musango yo kuti calingana bwino no “waikala pa cinshingwa-ng’anda ca calo” kabili uwakwata amaka pa bekashi ba ciko.—Belengeni Esaya 40:18-24.