ICIPUSHO NA. 6
Finshi ifyo Baibolo yasobele pali Mesia?
UBUSESEMO
“Iwe, we Betelehemu Efrata, . . . muli iwe e mukafuma uukaba kateka muli Israele.”
UKUFIKILISHIWA
“Pa numa ya kufyalwa kwa kwa Yesu mu Betelehemu wa mu Yudea mu nshiku sha mfumu Herode, moneni! ababukila ku ntanda bafumine ku kabanga no kuya ku Yerusalemu.”
UBUSESEMO
“Ba-akana ifya kufwala fyandi, Kabili bapendwila ifya kufwala fyandi.”
UKUFIKILISHIWA
“Nomba ilyo abashilika bapoopele Yesu pa cimuti, babuulile ifya kufwala fyakwe ifya ku nse no kufyakanya pane . . . Lelo ica kufwala ca mu kati tacakwete umulundo ukufuma pa muulu no kushinguluka konse. E ico balanshenye ati: ‘Twicilepula iyo, lelo natupendule, tumone uwalacisenda.’”
UBUSESEMO
“Alinda amafupa yakwe yonse; Talyafunikapo nangu fye limo.”
UKUFIKILISHIWA
“Ilyo bafikile pali Yesu, basangile ukuti nafwa kale, kabili tabafunine amolu yakwe.”
UBUSESEMO
“Alashiilwe pa mulandu wa filubo fyesu.”
UKUFIKILISHIWA
“Umushilika umo amulashile ifumo mu lubafu, kabili ilyo line umulopa na menshi fyalifumine.”
UBUSESEMO
“Awe bampeele amalipilo yandi, indalama sha silfere amakumi yatatu (30).”
UKUFIKILISHIWA
“E lyo umo pa basambi ikumi na babili (12) uo baleita ati Yuda Iskariote, aile ku ntungulushi sha bashimapepo no kutila: ‘Cinshi mulempeela nga namufutuka pa kuti mumwikate?’ Na bo bamwebele ati bali no kumupeela indalama sha silfere amakumi yatatu (30).”