-
Ukupepa kwa Cine Kwalunduluka Kwakumana Isonde LyonseUkusesema kwa kwa Esaya—Ulubuuto lwa Bantu Bonse 2
-
-
Ulubuuto lwa Bukata Ulwa Kusenamina kwa Bulesa
27. Lubuuto nshi ulwa muyayaya ulubalikila pa “mwanakashi” wa kwa Yehova?
27 Amaka ya lubuuto ulubalikila pali Yerusalemu yalondololwa na Yehova ilyo atila: “Akasuba takakabele iwe kabili ulubuuto mu kasuba, kabili ku kubeeka kwa uko umweshi tawakabuutushishe iwe mu bushiku, lelo Yehova akaba kuli iwe ulubuuto lwa muyayaya, kabili Lesa obe akabo bukata bobe. Takakawe kabili akasuba kobe, no mweshi obe tawakatobolwe; pantu Yehova akaba kuli iwe ulubuuto lwa muyayaya, shikapwa ne nshiku sha kuloosha kobe.” (Esaya 60:19, 20) Yehova akatwalilila ukubo “lubuuto lwa muyayaya” ku “mwanakashi” wakwe. ‘Taakawe’ ifyo akasuba kawa nangu ‘ukutobolwa’ ifyo umweshi utobolwa.d Ulubuuto lwa kusenamina kwakwe ulwa muyayaya lubalikila pa Bena Kristu basubwa, abeminishi ba buntunse aba “mwanakashi” wa kwa Lesa. Aba, capamo ne bumba likalamba, balaipakisha uko kubengeshima kwa lubuuto lwa ku mupashi ica kuti takuli imfifi ukufuma ku filecitika mu mitekele ya cino calo nelyo mu fya bunonshi iingalukupa. Kabili balicetekela mu nshita ya ku ntanshi iyawama iyo Yehova abalaya.—Abena Roma 2:7; Ukusokolola 21:3-5.
-
-
Ukupepa kwa Cine Kwalunduluka Kwakumana Isonde LyonseUkusesema kwa kwa Esaya—Ulubuuto lwa Bantu Bonse 2
-
-
d Umutumwa Yohane abomfya amashiwi yamo yene pa kulondolola “Yerusalemu mupya,” e kutila ba 144,000 mu bukata bwabo ubwa mu muulu. (Ukusokolola 3:12; 21:10, 22-26) Ici nacilinga, pantu “Yerusalemu mupya” emininako bonse ababa muli Israele wa kwa Lesa pa numa bapokelela icilambu cabo ica ku muulu, ilyo bena pamo na Yesu Kristu basanguka ulubali lwacindamisha ulwa “mwanakashi” wa kwa Lesa, “Yerusalemu wa mu muulu.”—Abena Galatia 4:26.
-