Imyulu Ipya ne Sonde Lipya Fikalenga Tukasekelele

Ubulayo bwa kwa Lesa ubwa kubwesha ukupepa kwa cine ubwalembwa muli Esaya icipandwa 65 bwa cine cine ica kuti Yehova alanda pali ubu bulayo kwati bwalifikilishiwa kale.

Yehova alepanga imyulu ipya ne sonde lipya; ne fya kale fikalabwa

65:17

Bushe imyulu ipya ni cinshi?

• Buteko ubupya ubukawamya ifintu pe sonde

• Bwatendeke ukuteka mu 1914 ilyo Kristu atendeke ukuteka nga Imfumu ya Bufumu bwa kwa Lesa

Bushe isonde lipya ni cinshi?

• Bantu abafuma mu fyalo fyalekanalekana, aba ndimi shonse kabili aba nkanda yalekanalekana abanakila ubuteko ubupya ubwa ku muulu

Bushe ifya kale fikalabwa shani?

• Ifintu ifilenga tuleumfwa ububi nga twafitontonkanyapo pamo nga ukulwala, ukucula na matontonkanyo tafyakatwalilile ukubako

• Abantu aba cishinka bakalaikala bwino sana kabili bakalaibukisha ifisuma ifikalacitika cila bushiku