-
Imfumu Yalopolola Abantu Baiko ku mupashiUbufumu bwa kwa Lesa Bwalitendeka Ukuteka!
-
-
1-3. Finshi Yesu acitile ilyo asangile abantu balecita amakwebo mwi tempele?
YESU alicindamike sana itempele lya mu Yerusalemu pantu alishibe ifyo lyaleimininako. Pa myaka iingi, ili tempele e po abantu balepepela Lesa wa cine. Lelo abantu abalepepa Lesa wa mushilo Yehova, balingile ukuba abasanguluka kabili aba busaka. Elenganyeni ifyo Yesu aumfwile ilyo aile kwi tempele pa Nisani 10, mu 33 C.E., no kusanga abantu balecitilamo amakwebo. Makwebo nshi balecita?—Belengeni Mateo 21:12, 13.
2 Mu Lubansa lwa Bena Fyalo, abafunushi abaleshitisha no kukabushanya indalama balefyenga abantu abaleya mu kutuula amalambo kuli Yehova pe tempele.a Yesu ‘atamfishe bonse abaleshitisha na baleshita mwi tempele, kabili apenwine amatebulo ya balekabushanya indalama.’ (Linganyeniko Nehemia 13:7-9.) Alikalipile balya bantu bakaitemwe pa fyo basangwile ing’anda ya kwa Wishi ukuba “ulucengo lwa fipondo.” Ifi Yesu acitile fyalelanga ukuti alicindamike itempele ne fyo lyaleimininako. Abantu abali no kulapepa Wishi, balingile ukuba aba busaka!
-
-
Imfumu Yalopolola Abantu Baiko ku mupashiUbufumu bwa kwa Lesa Bwalitendeka Ukuteka!
-
-
a AbaYuda abaletandala balingile ukukwata umusango wa ndalama uo balesuminisha pa kulipila umusonko we tempele uwa pa mwaka, kabili abalekaabula indalama balebalipilisha pa kukaabula ishi ndalama. Na kabili, limo limo abatandashi baleshita ne nama isha kubomfya pa kutuula amalambo. Yesu aitile abalecita amakwebo ukuti “ifipondo,” pantu balelipilisha abantu indalama ishingi sana.
-