“Ico Lesa Alundenye . . .”

Mu Mafunde ya kwa Mose, umwaume uulefwaya ukuleka umukashi wakwe alingile ukupekanya kalata ya kulekana. Ukucita ifi kwalelenga uulefwaya ukuleka umukashi wakwe ukukanayangufyanya ukumuleka. Na lyo line, ilyo Yesu ali pano calo, intungulushi shamapepo shalilengele cayanguka ukupoka kalata ya kulekana. Abaume baleleka abena mwabo pa milandu iili yonse. (ifingamwafwa ukusambilila pali Marko 10:4, 11) Yesu alandile pa cishinka ca kuti Yehova e wabikileko icupo kabili e wa citendeke. (Marko 10:2-12) Umulume no mukashi balingile ukuba “umubili umo” no kutwalilila ukuba pamo. Ilyo Mateo alelanda pa lyashi limo line atile abaupana kuti balekana fye nga ca kuti umo “acita ubucende.”—Mat. 19:9.

Muno nshiku, abantu abengi tabamona icupo nga fintu Yesu alecimona, lelo bamona icupo nga fintu abaFarise balecimona. Abantu ba muli ici calo nga bakwata amafya, balangufyanya ukupwisha icupo. Lelo Abena Kristu bena bamona imilapo ya mu cupo ukuti yalicindama sana kabili nga bakwata amafya balabombesha ukukonka ifyo Baibolo ilanda pa cupo. Pa numa ya kutamba vidio iitila, Ukutemwa no Mucinshi Kulekatanya Indupwa, asukeni aya mepusho:

• 

  Bushe kuti mwabomfya shani amashiwi yaba pa Amapinda 15:1 mu cupo cenu, kabili mulandu nshi cacindamina?

• Bushe kuti mwacefyako shani amafya nga mulekonka amashiwi yaba pa Amapinda 19:11?

• Nga ca kuti icupo cenu cili mu kupwa, mepusho nshi mulingile ukutontonkanyapo mu nshita ya kufwaya fye ukulekana?

• Bushe kuti mwaba shani abalume nelyo abakashi basuma nga mulekonka amashiwi yaba pali Mateo 7:12?