² Cila mwaka, tuba pa bantu abengi sana mwi sonde lyonse abalongana ku kwibukisha imfwa ya muntu uo twatemwa sana, Yesu Kristu. (1 Pet. 1:8) Tulalongana ku kwibukisha imfwa ya muntu uwapeele ubumi bwakwe icilubula ukutulubula ku lubembu ne mfwa. (Mat. 20:28) Na kuba Yesu aebele abasambi bakwe ukulaibukisha imfwa yakwe. Mu nshita ya bushiku ilyo ashilafwa, atendeke Umulalilo wa kwa Shikulu, kabili aebele abatumwa bakwe ati: “Mulecita ici ku kunjibukisha.”—Luka 22:19.