• “Nangu ca Kuti Alifwa, Acili Alalanda”
    Pashanyeni Icitetekelo Cabo

    • 5. Bushe amashiwi ya kwa Yesu aya kuti Abele e ko aali “pa kutendeka kwa calo” yalola mwi? (Moneni futunoti.)

      5 Abele afyelwe ilyo papitile fye imyaka iinono apo Lesa abumbiile Adamu na Efa. Yesu alandile pali Abele ukuti e ko aali “pa kutendeka kwa calo.” (Belengeni Luka 11:50, 51.) Ukwabula no kutwishika icalo Yesu alelandapo, bantu abakwete isubilo lya kulubulwa ku lubembu. Nangu ca kuti Abele e wali umuntu walenga bune ukubako pe sonde, cimoneka kwati e muntu wa ntanshi uo Lesa amwene ukuti e o engalubula.a Lelo, ilyo Abele alekula takwali abantu abaali no kulamukoselesha ukucita ifyalungama.

  • “Nangu ca Kuti Alifwa, Acili Alalanda”
    Pashanyeni Icitetekelo Cabo

    • a Amashiwi ya kuti “pa kutendeka kwa calo” yapilibula no kuti ukutanda imbuto, e kutila ukufyala, kanshi aya mashiwi yalanda pa bana ba kubalilapo aba kwa Adamu na Efa. Cinshi Yesu alandiile pali Abele ukuti e waliko “pa kutendeka kwa calo,” libe Kaini e wali umuntunse wabalilepo ukufyalwa pe sonde? Ifyo Kaini alecita fyalangile ukuti alipondokele Yehova Lesa ku mufulo. Kanshi nga filya fine abafyashi bakwe bashakwata ishuko lya kubuushiwa no kulubulwa, na Kaini wine taakwata ili ishuko.