• Walyuma Umutengo mu Menso ya kwa Lesa!
    Ulupungu—1995 | April 1

    • 1. Ni shani fintu imibele ya mutima iya kwa Yesu ukulola ku bantuuntu fye aba mu kasuba kakwe yapusene na ilya iya baFarise?

      BALIMWENE ukwangwako kwabamo kutemwa mu menso yakwe. Uyu muntu, Yesu, tapalile intungulushi shabo isha mipepele; wene alesakamana. Aikatilwe aba bantu inkumbu pa mulandu wa kuti “bali abalulunkaniwa kabili abapaswa, nge mpaanga ishishaba na kacema.” (Mateo 9:36) Intungulushi shabo isha mipepele bakabile ukuba bakacema ba kutemwa ukwimininako Lesa wakwato kutemwa, uwa nkumbu. Mu cifulo ca ico, basuulile abantuuntu fye pamo nga ba pa nshi—kabili nga batiipwa!a (Yohane 7:47-49; linganyako Esekiele 34:4.) Mu kumonekesha, iyo mimwene ishili ya mu malembo iyanyongana, yalipusaninineko fye ukufuma ku mimwene ya kwa Yehova iya bantu bakwe. Aali naeba uluko lwakwe, ulwa Israele ati: “Ukutemwa kwa muyayaya nalikutemwa.”—Yeremia 31:3.

  • Walyuma Umutengo mu Menso ya kwa Lesa!
    Ulupungu—1995 | April 1

    • a Na kuba, balangulwike abapiina mu kuba ne numbwilo yabamo imisuula iya kuti “ʽam-ha·ʼaʹrets,” nelyo “abantu ba pa nshi.” Ukulingana no wasoma umo, abaFarise basambilishe ukuti umuntu talingile ukuseekesha ifyuma kuli aba, nelyo ukucetekela ubunte bwabo, nelyo ukubatangata nga abeni, nelyo ukuba abeni babo, nelyo fye ukushita kuli bene. Intungulushi sha mipepele shasosele ifyo nga ca kuti umwana mwanakashi wa muntu aupwa kuli umo uwa aba bantu kuti caba fye kwati kumukakila no kumupoosa ku ciswango uwabulo kwaafwiwa.