-
Barnaba—“Umwana wa Cisansamushi”Ulupungu—1998 | April 15
-
-
Pa numa fye ya Pentekoste 33 C.E., Barnaba, uwali mwina Lebi uwafyalilwe ku Kupro, mu kuitemenwa alishitishe impanga yakwe no kutuula indalama ku batumwa. Mulandu nshi acitile fyo? Ubulondoloshi ubwalembwa mu Imilimo butwebo kuti pali iyo nshita indalama ishalesangulwa na Bena Kristu mu Yerusalemu, “shayakanishiwe kuli onse ifyo alekabila.” Barnaba, mu kushininkisha alimwene ukuti kwali ukukabila, e ico mu cikuuku alibombelepo. (Imilimo 4:34-37) Pambi aali uwa fyuma, lelo tashimbile ukupeela ifikwatwa fyakwe kabili tashimbile ukuipeela ku kulundulula umulimo wa Bufumu.b Uwasoma F. F. Bruce, alando kuti: “Konse uko Barnaba alesanga abantu nelyo imibele ifyalekabila ukukoselesha, alekoselesha ukufika apapeleele amaka yakwe.” Ifi e fintu Barnaba abombele mu lubali lwa bubili ulwa mibombele yakwe.
-
-
Barnaba—“Umwana wa Cisansamushi”Ulupungu—1998 | April 15
-
-
b Pa kulanguluka ifyapampamikwe mwi Funde lya kwa Mose, bamo bepusha fintu Barnaba, uwali mwina Lebi, aishileikwata impanga. (Impendwa 18:20) Nangu cibe fyo, tacaishibikwa bwino nampo nga iyo mpanga yabelele mu Palestine nelyo mu Kupro. Ukulundapo, kuti cacitika ukuti yali fye ni nshishi intu Barnaba ashitile mu ncende ya Yerusalemu. Te mulandu na fintu cali, Barnaba alishitishe icikwatwa cakwe pa kuti engafwilishako bambi.
-