• Finshi Baibo Yalanda pa Bushimbe na pa Cupo?
    Kuti Mwaba ne Nsansa Umuyayaya!—Icitabo ca Kusambililamo Baibolo

    • 5. Mulesala bwino uwa kuupana nankwe

      Ukusala uwa kuupana nankwe kwaba pa fintu ifyacindama ifyo mulingile ukubikako sana amano. Belengeni Mateo 19:4-6, 9, lyena lanshanyeni ici cipusho:

      • Mulandu nshi Umwina Kristu afwile ukubela uwatekanya ilyo alesala uwa kuupana nankwe?

      Mu Baibo mwaliba ifingalenga mwaishiba ifyo umuntu mulefwaya ukuupa nelyo ukuupwako alingile ukuba. Icacindamisha kusala uwa kuupana nankwe uwatemwa Yehova.b Belengeni 1 Abena Korinti 7:39 na 2 Abena Korinti 6:14, lyena lanshanyeni aya mepusho:

      • Cinshi tufwile ukuupanina fye na Bena Kristu banensu?

      • Bushe muletontonkanya ukutila Yehova kuti aumfwa shani nga mwaupana no muntu uushatemwa Yehova?

      Ing’omb iilume iya maka ne mpunda iinono na ba fikakila kwi koli lya cimuti kabili fileshupikwa ukwenda.

      Nga ca kuti inama ishapusana ubukulu na maka bashibika kwi koli limo line kuti shacula. Ifi fine e fyo cingaba nga ca kuti Umwina Kristu aupa nelyo aupwa ku uushili Mwina Kristu munankwe. Kuti baleba na mafya ayengi mu cupo cabo