-
Bushe Yehova aba Shani?Kuti Mwaba ne Nsansa Umuyayaya!—Icitabo ca Kusambililamo Baibolo
-
-
3. Bushe Yehova alanga shani ukuti alitutemwa?
Imibele ya kwa Yehova iyapulamo kutemwa. Na kuba “Lesa kutemwa.” (1 Yohane 4:8) Ifyaba mu Baibo te filanga fye ukuti Yehova alitutemwa, lelo ne fyo abumba. (Belengeni Imilimo 14:17.) Ku ca kumwenako, tontonkanyeni pa fyo atubumba. Atubumba mu nshila ya kuti tulemona amalangi ayasuma, tulekutika ku nyimbo ishisuma, kabili tulesonda ifya kulya ifisuma. Kanshi afwaya tuleipakisha ubumi.
-
-
Ifyo Imipepele ya Bufi Ilenga Abantu Basumina Ifya Bufi Pali LesaKuti Mwaba ne Nsansa Umuyayaya!—Icitabo ca Kusambililamo Baibolo
-
-
2. Bushe ifyo intungulushi sha mapepo shicita filenga shani abantu basumina ifya bufi pali Lesa?
Ifyo imipepele ya bufi isunga abantu fyalipusana ne fyo Yehova abasunga. Baibo itila “imembu [sha mipepele ya bufi] nashituulumana ukufika fye na ku muulu.” (Ukusokolola 18:5) Pa myaka iingi, imipepele ilaitumpa mu fikansa fya calo, ilatungilila inkondo, kabili ilalenga nelyo ukusuminisha ukuti abantu abengi nga nshi bafwe. Intungulushi sha mapepo shimo shilafwaya ukunonka, kabili ici cilenga shile-eba abo shitungulula ukuti baleshipeela indalama. Ifi shicita filanga fye apabuuta tuutu ukuti tashaishiba Lesa, kabili tashalinga no kumwimininako.—Belengeni 1 Yohane 4:8.
-