• “Ikatisha Ico Ukwete”
    Ukusokolola—Akalume ka Kuko Kakalamba Nakapalama!

    • 10. Kukoselesha nshi kuntu Yesu apeela icilonganino ca mu Filadelfia?

      10 Ukufuma ku ntulo ya musango yo yabamo ubulashi, amashiwi ya kwa Yesu ku Bena Kristu mu Filadelfia yalingile ukuba aya kusansamusha kwaibela! Alebatasha, ati: “Naishibe milimo yobe. Mona, nimbika ku menso yobe umwinshi uwaisuka, no wingesalako takuli; ico ukwete amaka yanono, kabili wabake cebo candi, ne shina lyandi tawakaana.” (Ukusokolola 3:8) Icilonganino cali ica cincila, kabili umwinshi uli uwaisuka pa ntanshi ya ciko—ukwabulo kutwishika mwinshi wa kusenaminwa kwa mulimo wa kutumikila. (Linganyako 1 Abena Korinti 16:9; 2 Abena Korinti 2:12.) E co, Yesu akoseleshe cilonganino ukushukila mu kukumanina ishuko lya mu nshita ku kushimikila. Balishipikisha no kulangisho kuti balikwete amaka yakumanina, mu kubamo ukwaafwa kwa mupashi wa kwa Lesa, aya kutwalilila ukucita “imilimo” yalundwapo mu mulimo wa kwa Yehova. (2 Abena Korinti 12:10; Sekaria 4:6) Balyumfwila amakambisho ya kwa Yesu kabili tabakaana Kristu, atemwa ku cebo nelyo ku ncitilo.

  • “Ikatisha Ico Ukwete”
    Ukusokolola—Akalume ka Kuko Kakalamba Nakapalama!

    • 14. Ni shani Esaya 49:23 na Sekaria 8:23 yakwata ukufikilishiwa kwamonekesha mu nshita sha muno nshiku?

      14 Mu nshita sha muno nshiku, amasesemo pamo nga Esaya 49:23 na Sekaria 8:23 yakwato kufikilishiwa kwamonekesha. Pamo nge ca kufuma mu kushimikila kwe bumba lya buYohane, impendwa ikalamba iya bantu balingila ukupula pa mwinshi waisuka uwa mulimo wa Bufumu.b Ubwingi bwa aba bafuma mu Kristendomu, amabutotelo ya uyo mu kuibepesha yaitunga ukuba Israele wa ku mupashi. (Linganyako Abena Roma 9:6.) Aba, pamo nge bumba likalamba, basambe mingila yabo no kuibuutusha mu kubelesha icitetekelo mu mulopa we lambo lya kwa Yesu. (Ukusokolola 7:9, 10, 14) Ukuumfwila ukuteka kwa Bufumu kwa kwa Kristu, basubila ukupyana amapaalo pano pene pe sonde. Besa kuli bamunyina basubwa ba kwa Yesu no “kukontama pa nshi” (NW) kuli bene, ukulanda lwa ku mupashi, pantu ‘balyumfwa ukuti Lesa ali na bo.’ Batumikila kuli aba basubwa, bantu bekatana na bene mu kubishanya kwa bumunyina kwa mu kusaalala kwa calo.—Mateo 25:34-40; 1 Petro 5:9.

  • “Ikatisha Ico Ukwete”
    Ukusokolola—Akalume ka Kuko Kakalamba Nakapalama!

    • b Magazini ya Ulupungu lwa kwa Kalinda, iisabankanishiwa ne bumba lya buYohane, itwalilila ukwebekesha ukupamfya kwa kushukila ishuko lya mu nshita no kwakana mu kukumanina ukufika apo engapesha mu mulimo wa kushimikila; ku ca kumwenako, mona ifipande “Ulebilisho Bufumu bwa kwa Lesa” na “Balekabilwa mu Kupamfiwa—Bakabomba Bafulilako mu Kulobolola!” mu wafumine uwa December 15, 1985. Mu wafumine, uwa February 1, 1987, icipande “Ukubomba Ukufika Apo Twingapesha ku Kubilisha Imbila Nsuma,” ukukomaila kwabikilwe pa kwingila mu “mwinshi waisuka” wa mulimo wa nshita yonse. Kwaliko icipimo ca pa mulu ica bapainiya 650,095 abacitile lipoti umulimo wa musango yo mu kati ka mweshi umo mu 1987.