Bushe Ndekabila Ukutwalilila Ukwaluka?

Ubwafuma ubuli bonse ubwa Ubutumikishi Bwesu Ubwa Bufumu bupayanya ukulekanalekana kwa mipeelele ya mu Malembo uko twingabomfya lintu tulecitilo bunte. Bakasabankanya abengi ababa abacincila nga nshi baba abaswatuka ku kusambilila imfundo ishipya no kubomfya imitununukile yapusanapusana. Ubutumikishi Bwesu Ubwa Bufumu bulalangulukilako pa kupayanya imitubululo yafulilako umweshi umo na umo.

Nangu cibe fyo, kuti pambi cabe fyo tauleyumfwa ukukabila kwa kutwalilila ukwalula cintu ubomfya. Kuti pambi wakwata fye amaawala yanono cila mweshi ku kwakana mu mulimo wa ku ŋanda ne ŋanda. Pa ciputulwa ca nshita, kuti pambi walundulula imipeelele imo iyo uleyumfwa wakakuka ukubomba na yo, kabili ulakwata ifya kufumamo fisuma ukubomfya yene. Kuti pambi washintilila pa malembo yamo ayabomfiwa ilingi line, ukusanshako Ilumbo 37:9-11, 2 Petro 3:13, Ukusokolola 21:4, na yambi. Nga ni fyo, takuli ukukabila kuli iwe ku kuyumfwa uwakakililwako ku kwalukila libili libili ku cintu cimbi icapusanako. Ubuyo bwesu ubukalamba bwa kwakana isubilo lya Bufumu na bambi no kubaafwa ukusambilila ico bafwile ukucita ku kuwaminwa ipaalo lya kwa Yehova. Nga ca kuti wasanga imipeelele iilingene ne nshita kabili iya kucebusha mu citabo ca Ukupelulula iyo wasoobolapo ukubomfya kabili ulekwata ukwankulako kusuma na yene, wishimunuka ukubomfya yene.