Ipeelesheni

Ubushiku bwa pa Mulungu, pa March 25, 2001, bwali bushiku baeluda na babomfi batumikila 24 balepwisha ikalasi lyalenga 21 ilya Isukulu lya Kukansha Ilya Butumikishi. Batuminwe ukubombela ku Malawi, South Africa, muno Zambia, na ku Zimbabwe, e kuti ku fyalo kwine bafumine. Ikalasi lyalenga 22 ilyalembeshiwe pa May 3 ku Makeni, lili no kupwa isukulu pa July 1, 2001.

Mu kulongana kukalamba ukwapusanapusana ukuletwalilila, bakangalila ba fitungu balekumanya baeluda na babomfi batumikila abashimbe abali pa kati ka myaka 23 na 50 abalefwaya ukusambilishiwa na Yehova pa myeshi mupepi na ibili. (Mika 4:1, 2) Amabungano ya citungu ayaleisa yakapeela ishuko ku bafika pa milingo ukuti na bo bakepushe ukusangwako. Tontonkanyeni pali uyu mulandu kabili pepelenipo ukumona nga mwingasangwako kuli uku kukanshiwa kwaibela pa kuti mukwate “ululimi lwa basambilila.”—Esa. 50:4.