Ukucindamika Ubutumikishi Bwesu

Icola ca mu mulimo ica busaka kabili icimoneka bwino cilacindamika ubutumikishi bwesu. Ukuba kwena, ifikwama fya kubikamo magazini (magazine file case), ifyo twingapoka ukwabula ukutulipilisha filanguka ukusendelamo bamagazini ne mpapulo shimbi isha kubomfya mu butumikishi nelyo mu kulongana. Nomba tatufwile ukubomfya ifi fikwama muli uyu musango iyo, pantu fyapangilwa ukusungilamo bamagazini benu nelyo aba mu laibrare ya cilonganino epela. Nga twafwaya icola calinga ukubomfiwa mu mulimo wesu uwa ku cintubwingi no kucisunga ica busaka kabili icisuma, ninshi ‘tulepuulamika isambilisho lya kwa Lesa, Umupusushi wesu.’—Tito 2:10; be ibu. 134; km 3/95 p. 7 Umukululo wa Fipusho.