Tulatemwa Ukumfwa Amalipoti Ayasuma!

Tulomfwa bwino nga twaumfwa ifyo bamunyinefwe na bankashi balebombela Yehova Lesa wabo no kumupepa mu cine. (Amapi 15:30; 25:25) Bushe namukwata ifisuma ifyo mwingatushimikilako? Kuti twatemwa nga mwatushimikilako! Napamo muli iyi myeshi iinono iyapita mwalibombele bwino ilyo mwalebomfya icitabo ca kuti Ico Baibolo Isambilisha. Bushe mwalipepapo kuli Lesa kabili mwamona ne fyo ayaswike ipepo lyenu? Nalimo mwalyafwileko abalekele ukubomba, ukutendeka ukubomba na kabili. Ala kuti twatemwa nga mwatushimikilako ifyo cali! Nga mwalemba ifyebo, ifinono fye, pa fyacitike mwi bala kuti mwapeela kangalila wa kutangilila pa kuti akasainepo e lyo no kutuma kwi ofesi lya musambo kabili akalembepo ukuti: “Attention Desk SB.” Mukalembe ifishinka fyonse ifilekabilwa bwino bwino ukubikapo ne shina lyenu, imyaka mukwete iya kufyalwa ne shina lya cilonganino. Mukwai ibukisheni ukuti tulefwaya mukatume ifi fyacitike mwi bala kwi ofesi lya musambo ilyo ubushiku bwa June 1, 2007 tabulafika.