Kalenda ya mu 2011 Ilelanda Sana pa Mapepo ya Lupwa

Umutwe uukalamba uwa Kalenda ya Nte sha kwa Yehova iya mu 2011 uletila Amapepo ya Lupwa. Kalenda ilelanga indupwa sha muno nshiku capamo ne ndupwa sha ku kale isha bantu balembwa mu Baibolo. Ilelanga ne fyo ababomfi ba kwa Yehova abaupana e lyo na bashimbe basambilila Icebo cakwe.

Abalembwa mu Baibolo abo balandilepo muli kalenda, balesekelela mu mafunde ya kwa Yehova, kabili ukucita ifi kwalicindeme nga nshi pantu kwalebafwa ukupwisha amafya balekwata nelyo ukushipikisha. (Amalu. 1:2, 3) Ilyo tulemona pa cikope cimo na cimo muli kalenda, cila cikope cakulatucinkulako umulandu Amapepo ya Lupwa yacindamina, nampo nga twaba mu lupwa ulukalamba nelyo ulunono, nampo nga bonse mu lupwa balapepa nelyo iyo. Pali kalenda paliba incende iya kuti mulembepo ubushiku ulupwa lwenu lwasala ubwa Mapepo ya Lupwa. Bushe mwalilembapo?