Kuti Mwabila Imbila Nsuma no Kusambilisha

Pa kubala, Mose aletwishika nga kuti abomba umulimo Yehova amupeele. (Ukufu. 4:10, 13) Bushe na imwe mwalibala amumfwapo ifi? Nalimo e lyo mulesambilila Baibolo ne Nte sha kwa Yehova kabili mulatwishika nga kuti mwabila imbila nsuma ku ng’anda ne ng’anda. Nelyo muli bacaice kabili mulomfwa umwenso ukushimikila abanenu pa sukulu. E lyo limbi mulomfwa umwenso ukubila ku cintubwingi nelyo pa foni. Ifi nga e fyo mumfwa, mulelomba Yehova ukuti alemupeela umupashi wa mushilo. (1 Pet. 4:11) Mufwile ukucetekela ukuti Yehova akamwafwa ukubomba umulimo onse uo engamupeela.—Ukufu. 4:11, 12.

TAMBENI VIDIO ITILA MUFWILE UKUBA . . . KASABANKANYA UWASHIPA, LYENA ASUKENI AYA AMEPUSHO:

• Bwafya nshi nkashi Aoyama akwete?

• Cinshi camwafwile ukukosa no kushipa?—Yer. 20:7-9

• Fisuma nshi asangile ilyo atendeke ukubombesha mu mulimo wa kwa Yehova?

• Mafya nshi yamo ayakuma umulimo wa kubila imbila nsuma ayo Yehova engamwafwa ukupwisha?