Lesa na Kristu Bali no Kutulubula

Bonse fye tulakwata amafya kabili Abena Kristu abengi balashipikisha amafya ayengi. Ku ca kumwenako, imitwe ya ndupwa yalikwata ifya kucita ifingi, bamo abafyashi bakusha bana babo ukwabula abena mwabo kabili cilabafya ukusanga umwakuliila. Abacaice bamo balabacusha ku bana be sukulu banabo, e lyo aba bwananyina bambi balalwalilila kabili bambi baliba na mafya pa mulandu wa kuti nabakula. Nga imwe mafya nshi mukwata cila bushiku? Nangu tukwate amafya ya musango shani, twalishiba ukuti Yehova ali no kutulubula kuli aya amafya yonse.—2 Kor. 4:16-18.

Pali ino nshita, cilatusansamusha ukwishiba ukuti Yehova aleshiba amafya tukwata, alatasha pa fyo tutwalilila aba cishinka ne fyo tushipikisha, kabili ku ntanshi ali no kutupaala nga nshi. (Yer. 29:11, 12) Yesu na o alitubikako amano. Ilyo tulebomba imilimo yesu iya Bwina Kristu, Yesu atulaya ukuti “nakulaba na imwe.” (Mat. 28:20) Nga tuletontonkanya sana pa fyo Ubufumu bwa kwa Lesa bukatulubula, tukaba ne subilo ilyakosa kabili tukatwalilila ukushipikisha amafya tukwata cila bushiku.—Rom. 8:19-21.

TAMBENI VIDIO ITILA ILYO ICIKUUKU CA MWELA CILEPALAMA, TWALILILENI UKULOLESHA KULI YESU!, LYENA ASUKENI AMEPUSHO YAKONKAPO:

• Bushe abantu batalwike shani kuli Lesa kabili finshi fyafumamo?

• Finshi Yehova akacitila abantu ababa ne cishinka kuli ena?

• Cinshi cikalenga ifi fyonse ifyo Yehova atulaya fikacitike?

• Mapaalo nshi mufwaisha ukupokelela mu calo cipya?