Ifyo mwingacita pa kuti munonkelemo muli aya amasambililo ya mu Baibo

Ifimoneka Ulwapulintwa

Mufwile ukukwata uwa kumusambilisha: Kuti mwaeba abamupeele iyi broshuwa ukulamusambilisha Baibo, nelyo kuti mwalemba apa kwipushisha isambililo lya Baibolo pa webusaiti yesu iya jw.org.

ULUBALI LWA KUBALILAPO

Belengeni paragrafu imona, ukubikako fye na mepusho ayali mu filembo fyatikama (A) na malembo (B) ayalekomaila pa fishinka fikalamba. Amalembo yamo nabalanda ati “belengeni.”

Ifilembo ifilelangilila ifiputulwa A na B ifya lubali lwa kubalilapo ulwe sambililo.

ULUBALI LWA BUBILI

Amashiwi ya kutendekelapo (C) pa ciputulwa cileti Sambilileni na Fimbi yalelondolola ifyo mwalasambilila. Utumitwe utunono (D) tulelanda pa fishinka ifikalamba. Mulebelenga amalembo, muleasuka amepusho, kabili muletamba amavidio (E).

Ifilembo ifilelangilila ifiputulwa C, D, na E ifya lubali lwa bubili ulwe sambililo.

Mulelolekesha sana pa fikope no kubelenga amashiwi yalipo (F), kabili muletontonkanya ifyo mwingasuka amepusho ayali apaleti Abantu Bamo Batila (G).

Ifilembo ifilelangilila ifiputulwa F na G ifya lubali lwa bubili ulwe sambililo.

ULUBALI LWA KULEKELESHA

Ifyo Musambilile na Ukupitulukamo (H) e fya kulekeleshako mwi sambililo. Lembeni ubushiku mwapwisha ukusambilila isambililo. Apaleti Ifyo Mwingacita (I) pali ifyo mufwile ukucita pa kuti mutwalilile ukusambilila nelyo ifyo mwingabomfya ifyo musambilile. Apaleti Ishibilenipo na Fimbi (J) pali ifyebo na fimbi ifyo mwingabelenga nelyo amavidio ayo mwingatamba.

Ifilembo ifilelangilila ifiputulwa H, I, na J ifya lubali lwa kulekelesha ulwe sambililo.

Ifilembo fya A, B, na C pe bula lya mu Baibolo.

Ifya kucita pa kusanga ifikomo fya mu Baibolo

Pa kulemba amalembo babalilapo ibuuku lya mu Baibo (A), icipandwa (B), e lyo icikomo nelyo ifikomo (C). Ku ca kumwenako, nga balemba ukuti Yohane 17:3 ninshi baleti ibuuku lya kwa Yohane, icipandwa 17, icikomo 3.