IFYO FWE BENA KRISTU TULINGILE UKULAIKALA
Mulekosha Icitetekelo Cenu mu Cebo ca kwa Lesa
Icebo ca kwa Lesa kuti ca-alula ubumi bwesu. (Heb. 4:12) Lelo pa kuti tunonkelemo mu fyo citutungulula, ne fyo citufunda, tufwile ukucetekela ukuti ca cine “cebo ca kwa Lesa.” (1 Tes. 2:13) Kuti twacita shani pa kuti icitetekelo cesu muli Baibolo cikose?
Mulebelengako iciputulwa ca mu Baibolo cila bushiku. Ilyo mulebelenga, mulefwaya ifingalenga mwashininkisha ukuti Yehova e walembele Baibolo. Ku ca kumwenako, mulemona ukupanda amano ukwaba mwi buuku lya Amapinda, kabili mulemona ifyo amano yabamo yatwafwa na muno nshiku.—Amapi. 13:20; 14:30.
Mulepanga ifyo mwingatemwa ukubelengapo. Ishibeni bwino ubushininkisho ubulanga ukuti Baibolo yaliputwamo. Mu Icitabo ca Kwafwa Inte sha kwa Yehova Ukusanga Ifyebo, kuti mwaya apatila “Baibolo” lyena apatila “Yafuma Kuli Lesa.” Na kabili kuti mwakosha icitetekelo cenu ukuti Baibolo taya-alulwa nga mwamona Appendix A3 muli Baibolo ya Amalembo ya Calo Cipya iya mu ciNgeleshi.
TAMBENI VIDIO ITILA ICALENGA TUCETEKELE UKUTI . . . BAIBOLO YAFUMA KULI LESA, LYENA ASUKENI AMEPUSHO YAKONKAPO:
Bushe ifibumba fye tempele ifyo basangile mu Karnak, ku Egypt, filanga shani ukuti Baibolo ya cine?
Twaishiba shani ukuti ifyaba mu Baibolo tafya-aluka?
Bushe ifyo Baibolo yacingililwa filanga shani ukuti Cebo ca kwa Lesa?—Belengeni Esaya 40:8