ICIPUSHO NA. 11
Bushe umuntu nga afwa aba shani?
“Nga aleka ukupeema, abwelela ku mushili; pali bulya bwine ubushiku amatontonkanyo yakwe yalaloba.”
“Pantu aba mweo balishiba ukuti bakafwa, lelo abafwa tabaishiba nangu cimo . . . Umulimo onse uo iminwe yobe yasanga, uleubomba na maka yobe yonse, pantu ku Nshiishi uko uleya takwaba ukubomba, takwaba ukutantika ifya kucita, takwaba ukwishiba ifintu, nelyo ukuba na mano.”
“[Yesu] abebele ati: ‘Lasaro umunensu nalaala utulo, lelo ndeya mu kumubuusha.’ Lelo ico Yesu alelandapo ca kutila Lasaro alifwile. Nomba bena baleti alelanda pa kulaala fye utulo. Lyena Yesu abebele fye mu kulungatika ati: ‘Lasaro nafwa.’”