ICIPUSHO NA. 16
Kuti mwacita shani pa kuti mwilasakamikwa sana?
“Poosa icisendo cobe pali Yehova, na o akakukosha. Takaleke uwalungama akawe.”
“Ifyo uwacincila apanga ukucita filamwendela bwino, lelo bonse abacita ifintu lubilo lubilo ukwabula ukutontonkanyapo balola ku bupiina.”
“Witiina pantu ndi na iwe. Wilasakamana pantu nine Lesa obe. Ndekukosha kabili ndekwafwa. Ukuboko kwandi ukwa ku kulyo ukucita ifyalungama kulekwikatilila.”
“Nani pali imwe engalundako umukono umo ku bumi bwakwe nga alesakamikwa?”
“E ico mwilasakamikwa pa bushiku bwa mailo, pantu ubushiku bwa mailo bukaba na masakamika ya buko. Cila bushiku bulakwata amafya ya buko ayalinga.”
“Mwishibe bwino bwino ifyacilapo ukucindama.”
“Mwisakamikwa nangu cimo, lelo muli fyonse lekeni Lesa eshibe ifyo mulelomba, mu kupepa no kupaapaata pamo no kutootela; kabili umutende wa kwa Lesa uwacila pa fyo twaishiba ukalinda imitima yenu na matontonkanyo yenu ukupitila muli Kristu Yesu.”