ICIPUSHO NA. 17
Bushe Baibo kuti ya-afwa shani ulupwa lwenu?
ABALUME/ABAFYASHI ABAUME
“Ifi fine e fyo na balume bafwile ukulatemwa abakashi babo kwati mibili yabo. Umwaume uwatemwa umukashi wakwe ninshi ali-itemwa umwine, pantu takwatala akuba umwaume uwapata umubili wakwe, lelo umwaume onse alaliisha umubili wakwe kabili alausunga bwino . . . Imwe umo umo afwile ukutemwa umukashi wakwe nge fyo aitemwa umwine.”
“Mwe bashibo, mwilakalifya abana benu, lelo pa kubakusha mulebasalapula kabili mulebakonkomesha ukulingana ne fyo Yehova afwaya.”
ABAKASHI
“Umukashi na o afwile ukuba no mucinshi sana ku mulume wakwe.”
“Mwe bakashi, mulenakila abalume benu, pantu e fyo Shikulu amwenekela ukulacita.”
ABANA
“Mwe bana, muleumfwila abafyashi benu ukulingana ne fyo Shikulu afwaya, pantu ici e calungama. ‘Mulecindika bashinwe na banyinenwe.’ Ili e funde lya kubalilapo ilyakwata ubulayo bwa kuti: ‘Pa kuti ifintu filemuwamina na pa kuti mukekale inshiku ishingi pano isonde.’”
“Mwe bana, muleumfwila abafyashi benu muli fyonse, pantu ukucita ifi e kwawama mu menso ya kwa Shikulu.”