ICIPUSHO NA. 18
Kuti mwacita shani pa kuti mupalame kuli Lesa?
“Mwe bomfwa amapepo, kuli imwe e ko abantu balekanalekana bakesa.”
“Cetekela Yehova no mutima obe onse, kabili wicetekela amano yobe. Muli fyonse ifyo ucita uleibukisha ifyo alanda, kabili akakulanga inshila iyalungama.”
“Pa kuti bakabe no mweo wa muyayaya, kano baishiba imwe mwe Lesa wa cine mweka, na Yesu Kristu uo mwatumine.”
“Lesa . . . taba ukutali na ifwe umo umo.”
“Ico ntwalilila ukupepelapo ca kuti, ukutemwa kwenu kulekulilako lyonse kabili muleishibilako bwino bwino no kwiluka ifyo Lesa afwaya.”
“Nga ca kutila umo pali imwe alekabila amano, eleka ukulomba kuli Lesa, na o akamupeela, pantu Lesa apeela fye bonse ukwabula ukubakalipila.”
“Palameni kuli Lesa, na o akapalama kuli imwe. Sangululeni iminwe yenu mwe babembu, kabili sangululeni imitima yenu mwe ba mitima ibili.”
“Ukutemwa Lesa kwalola mu kuti, tufwile ukulakonka amafunde yakwe; kabili amafunde yakwe tayakosa.”