ICIPUSHO NA. 7
Finshi Baibo yasobele ukuti e fikalacitika muno nshiku?
“Uluko lukemina uluko lumbi no bufumu bukemina ubufumu bumbi . . . Fyonse ifi fikaba e ntendekelo ya bucushi ubukaba ngo kucula kwa pa kupaapa.”
“Kukesaba bakasesema ba bufi abengi kabili bakalalufya abantu abengi; kabili pa mulandu wa kuti bumpulamafunde bukalafulilako, ukutemwa kwa bengi kukacepa.”
“Ilyo mukomfwa inkondo na malyashi ya nkondo, mwikatiina; pantu ifi fintu fifwile ukucitika ilyo impela ishilaisa.”
“Kukaba ifinkukuma ifikalamba, na mu ncende ishapusanapusana mukaba ifipowe ne fikuko; kabili abantu bakamona ifya kutiinya, na mu muulu mukaba ifishibilo ifikalamba.”
“Mu nshiku sha kulekelesha mukesaba inshita ishayafya nga nshi. Pantu abantu bakaba abaitemwa, abatemwa indalama, aba mataki, aba matutumuko, abapontela ifya mushilo, abashumfwila abafyashi babo, abashitasha, abashaba ne cishinka, abashatemwa abantu, abashifwaya ifipangano, aba lwambo, abashailama, abankalwe, abashatemwa ubusuma, abafutuka abanabo, bamunshebwa, aba cilumba, abatemwa ukwangala ukucila ukutemwa Lesa, abamoneka kwati ni bakapepa lelo abakaana amaka ya bukapepa.”