ICIPUSHO NA. 10
Finshi ifyo Baibolo yalaya abantu?
“Abalungama e bakekala mu calo, kabili bakekalamo umuyayaya.”
“Isonde lyaikalilila fye umuyayaya.”
“Akamina imfwa umuyayaya, kabili Shikulu Mulopwe Yehova akafuuta ifilamba ku menso yonse.”
“Pali iyo nshita amenso ya mpofu yakamona, na matwi ya bankomamatwi yakakomonwa. Pali iyo nshita uwalemana amolu akacilauka nge nsebula, kabili ululimi lwa kwa cibulu lukaula akapundu. Pantu mu matololo mukafukauka amenshi, ne mimana ikalapita mu fiswebebe.”
“Akafuuta ifilamba fyonse ku menso yabo, ne mfwa tayakabeko na kabili, takwakabe no kuloosha nangu ukuteta nangu ukukalipwa na kabili. Ifya ntanshi nafiya.”
“Bakakuula amayanda no kwikalamo; bakalima na mabala ya myangashi no kulya ifisabo fya yako. Tabakakuule amayanda e lyo bambi bakekalemo; tabakalime amabala e lyo bambi bakalye ifisabo. Pantu ifyaba inshiku sha muti e fikaba inshiku sha bantu bandi; kabili umulimo wa minwe yabo abasalwa bandi bakasekelamo nga nshi.”