‘Cangafwile Ukuceeceeta Ubumi Bwandi’

E FINTU Maria uwa myaka ya kufyalwa 18 kabili uwikala mu musumba wa Cherepovets asosele pa lwa citabo citila Ifipusho Abacaice Bepusha—Ifyasuko Fibomba. Ifili pe samba e fintu uyu mukashana alembele no kutuma ku maofeshi ya Nte sha kwa Yehova ayabela mupepi na St. Petersburg, mu Russia, apaba amakilomita mupepi na 400 ukufuma ku Cherepovets.

“Ici citabo calingafwile sana ukuceeceeta ubumi bwandi, amabuyo yandi, kumo fye na bena mupalamano bandi. Nalisanga ifyasuko ku fipusho mfwaisha ukwasukwa. Ilyo nalebelenga ici citabo, ifilamba fya kutasha fyalekonkoloka pa masaya.”

Maria alundapo ukuti: “Naumfwile kwati bamfimbula icisalu pa menso, no kupapa lintu amenso yashibatuka no kumona bwino bwino. Pa fitabo nabelenga ici e cacilapo ubusuma. Takuli icitabo nelyo cimo icingalinganako, apo ifyebo fyabamo fya mu Baibolo kabili ukufunda kwa kwa Yehova Lesa e kwawamisha.”

Nga ca kuti na imwe mulefwaya ukubelengako amalyashi yaba mu citabo ca Ifipusho Abacaice Bepusha—Ifyasuko Fibomba, kuti mwapokelelako ici citabo nga mwalemba pa kapepala kali pe samba no kutumina ku keyala kalangililwe nelyo ku keyala kalinga ukufuma pe bula 5 ilya uno wine magazini.