Mulelaalikwa Bushe Mukasangwako?

UKULAALIKWA KWI? Ku kulongana kwacindamisha uko Inte sha kwa Yehova bakwata cila mwaka, e kuti ukwibukisha imfwa ya kwa Kristu, ukukonka ifyo Umulalilo wa kwa Shikulu uo atendeke wacitilwe. Mateo ashimika ati: “Yesu abuulile umukate, no kutootela, alimokawile, apeele na ku basambi, no kutila, Buuleni, mulye; uyu mubili wandi. Kabili ilyo abuulile ulukombo no kutootela, apeele kuli bene, ati, Nwenimo bonse; pantu ulu mulopa wandi uwa cipingo cipya, uulesuumina abengi ku kulekelelwe membu.”—Mateo 26:26-28.

Ubucindami bwa aya mashiwi bukalondololwa pa kusefya kwa uno mwaka ukwa Mulalilo wa kwa Shikulu, ukukaba pali Cine, pa March 28, ilyo akasuba kawa. Tulesubila mukasangwako. Shi monaneni ne Nte sha kwa Yehova pa kuti mwishibile libela inshita ukulongana kukatendeka no ko kukabela mu ncende mwikala. Tukamupokelela.