Umuntu Apashanya Amano ya kwa Kalenga

Bushe caba shani ukuti amakolobo ya malaiti ayayanguka nga nshi kwati lipepala tayatobeka ilyo yalebikwa umwa kusomeka amakolobo? Ukulingana ne citabo ca mutwe wa kuti How in the World?, ubwasuko maka maka bwaba mu fyo ikolobo lyapangwa, ifyo bapashenye ku cipapa ca lini. Nangu ca kutila ifipaapa fya mani fyalyanguka nga nshi, amani tayatobeka ku kufina kwa kwa nankoko ilyo aikala no kulaalila amani yakwe. Ne ci ni pa mulandu wa kuti ukubulungana kwa lini kulenga ukuti lileshansha ukufina. (Utwana twa nkoko kuti twafilwa ukutootwa ifipaapa nga nafitikama.) Pa kupashanya amano ya kwa Kalenga, amakolobo yaba ayabulungana pa kuti ilyo mwayekata mu minwe, ukufina “kwasalanganina mu mbali shonse ukufuma palya mwikatile pa mulandu wa kuti ikalashi lyabe lyabulungana.” E ico, ukupala ilini, ukufina konse takufikila pa ncende fye imo, kanshi ne kolobo talitobeka. Umuntu alisambilila ifingi nga nshi ukufuma ku bubumbo!