Muleitwa ku Kulongana Ukwacindamisha mu Mwaka

Pali Cine, March 24, 2005, kukaba ukulongana uko mushilingile ukupuswako. Ubo e bushiku ilyo Inte sha kwa Yehova ukucila pa mamilioni 6 icalo fye conse ukubikako ne mpendwa ikalamba iya bacibusa babo bakalongana ku ncende babela ukwibukisha umulaalilo uo Yesu asefeshe na basambi bakwe. Konse uko Inte sha kwa Yehova bakalongana bakapishamo umukate ushatutumuka no mwangashi uwakashika ukulingana ne fyo Yesu abafundile, kabili bakalondolola umo uku kusefya kwalola.—Marko 14:22-24.

Abantu abengi beta ici cibukisho ukuti Umulaalilo wa kwa Shikulu. Inte sha kwa Yehova bena batila, Icibukisho ca mfwa ya kwa Kristu. Icibukisho ca mfwa ya kwa Kristu calicindama pantu citwibukisha ubucindami bwe lambo ilyo Yesu Kristu atuulile ilyo afwile pa kutila alubule abantu ababembu. (Yohane 3:16; 1 Yohane 2:2) Ilyo Yesu apwile ukusefya umulaalilo, balimwikete kabili pa kulekelesha afwile pa cimuti kwati na o mubifi.—Yohane 19:17, 18.

Mukwai tukamusengela bwino nga nshi pali uku kulongana kwaibela, uko Inte sha kwa Yehova bacindamika mu mwaka. Nga mulefwaya ukwishiba inshita ne cifulo ukukabela Icibukisho, kuti mwayaipusha pa Ng’anda ya Bufumu iyabela mupepi no ko mwikalila