“Ala Ici Citabo Cisuma Nga Nshi!”

◼ E fyo umukalamba wa balefwailisha pa fyupo alondolwele icitabo ca Icaba Inkaama ku Nsansa sha Lupwa. Abaupana abo uyu mwaume aipwishe, bamupeele ici cine citabo kabili bamwebele ukuti e cabafwile ukuipekanya ifya kwisaikala bwino mu cupo.

Uyu mukalamba wa bafwailishe pa fyupo alembeele balya baupana abamupeele icitabo no kubatasha ukuti cali “citabo icisuma nga nshi.” Kabili alandile ukutila abaupana bonse nga baali nga balya babili kuti basambilishako abanabo ifikabilwa pa kuti abaupana baleikala bwino no kuba aba nsansa. Alicetekele sana ukutila ifitabo pamo nga Icaba Inkaana ku Nsansa sha Lupwa kuti fyayafwa abaupana ukulapwisha bwino amafya bakwata. Umukalamba wa bafwailishe pa fyupo alimwene ukuti ifyayafwile balya baupana citetekelo cakosa ico bakwete kabili baleshintilila pa kwafwa kwa kwa Lesa.

Umukalamba wa aka kabungwe alandile ukuti abikile icitabo pe desiki lyakwe kabili atile ilyo abasambi bakwe bamwipusha pa fya cupo alebomfya ici citabo pa kubasuka. Mu kulekelesha alandile ukutila, “Nshabalamonapo icitabo icaba nge ci, ala ici citabo cisuma nga nshi!”

Icitabo ca Icaba Inkaama ku Nsansa sha Lupwa calyafwa abaupana abengi nga nshi mu calo fye conse. Na imwe bene kuti camwafwa ukulakonka ifishinte fya kumutungulula ifyaba mu Baibolo ifingalenga ulupwa lwenu ukuba ne nsansa sana.

Kuti mwaipusha ukuti bamutumine ici citabo citila Icaba Inkaama ku Nsansa sha Lupwa nga mwalemba akapepala no kutuma ku keyala kali apa nelyo kambi akalinga ukufuma pe bula 5 muli ino magazini.

□ Kuti natemwa mwantuminako icitabo citila Bushe Cinshi Baibolo Isambilisha?

□ Kuti natemwa muleisa mu kunsambilisha Baibolo pa ng’anda ukwabula ukundipilisha.