‘Uwingesula Fye Ici ni Yehova’
◼ Mu 2007, bawishi ba kwa Erika uwa myaka 6 na Mattia uwa myaka 4 balifwile. Lelo ubulanda bwa aba bana bwalicepako pa mulandu wa kuti balicetekela ukutila kukaba ukubuuka.—Imilimo 24:15.
Erika alitemwa sana ukwebako bambi pali ili isubilo akwata ilya mu Baibolo, maka maka abanankwe ababa pa sukulu asambilila mu Sicily. Ku ca kumwenako, ilyo Beatrice, umunankwe umo asosele ukuti bawishi ba kwa Erika baliya ku muulu, Erika alyaswike cikuuku-cikuuku ukuti te fyo Baibolo isambilisha. Ici calengele Beatrice ukwipusha ukuti: “Nga kanshi ni kwi baya?”
Erika ayaswike ukuti, “Baya ku nshiishi.” Ilyo asosele ifi Beatrice alefwaisha ukwishiba inshiishi ine iyi nga cinshi.
Erika alondolwele ukuti “caba kwati cintu cimo icingesulwa no kwisalwa. Lelo ici cine cintu nga caisalika, te kuti ucisule. Ni Yehova fye akacisula icalo cipya nga caisa.”
Lyena, Erika alondolwelele umunankwe ukuti Yehova, e shina lya kwa Lesa, no kuti e ukalenga isonde likabe paradaise. Muli iyi ine paradaise tamwakabe ukulwala, kabili abafwa bakabuuka no kuba no mweo. E lyo Erika aebele Beatrice ukuyaipusha banyina nga kuti basuminisha Erika ukumupeela icitabo icilanda pali ifi fintu.
Ilyo Beatrice aishile-eba umunankwe ukuti banyina balimusuminisha ukupoka icitabo, Erika amupeele icitabo citila Sambilila Kuli Kasambilisha Mukalamba. Erika acili alebako abantu bambi pa fintu ifyo asambilila muli Baibolo kabili na kafundisha wakwe wine alimupeelako ici cine citabo.
Kwena, Erika na ndume yakwe bacili balomfwa ubulanda pa mulandu wa mfwa ya bashibo. Lelo isubilo lya kubuuka lilabasansamusha. Aba bana, e lyo na bana bambi abengi pano calo, balatasha Yehova, Lesa wa cisansamushi ca cine.—Mateo 21:16; 2 Abena Korinti 1:3, 4.
Kuti mwalomba ukuti bakamutumineko ici citabo icakwata amabula 256, umwaba ifikope ifisuma, kabili ibula limo na limo lyaba ubukulu nga mabula yali muli uno magazini. Lembeni apa no kutuma kuli adresi iilipo nelyo kuli adresi imbi iyo mwalasala pa yali pe bula 5 muli ino magazini.
□ Ndefwaya muntumineko ici citabo.
□ Mukwai ndefwaya ukusambilila Baibolo pa ng’anda.