AKABOKOSHI KA KUTWAFWA UKUSAMBILILA 18A
Ifyo Yehova Atusoka Pa Nkondo Iikalamba Iileisa
Mu Baibo mwaliba amasesemo ayengi ayatusoka pa nkondo iikalamba umo Yehova akalofya bonse abamulwisha na balwisha abantu bakwe. Amasesemo yamo ni aya balembele pe samba. Moneni ifyo aya amasesemo aya kutusoka yapalana, kabili moneni ukuti Yehova alilenga abantu bonse bakwata ishuko lya kumfwa uku kusoka no kucitapo cimo.
MU NSHIKU SHA BENA ISRAELE
ESEKIELE: “‘Nkalenga ulupanga lukese pali [Goge] pa mpili shandi shonse,’ e fyo Shikulu Mulopwe Yehova alanda.”—Esek. 38:18-23.
YEREMIA: “[Yehova] akapingula abantu bonse. Kabili akalenga abacita ifyabipa bakabepaye ku lupanga.”—Yer. 25:31-33.
DANIELE: “Lesa wa mu muulu akemya ubufumu . . . ubukashonaula no konaula aya amabufumu yonse.”—Dan. 2:44.
MU NSHIKU SHA KWA YESU NE SHA BATUMWA
YESU: “Kukaba ubucushi ubukalamba ubushatala abubako ukutula pa ntendekelo ya cino calo.”—Mat. 24:21, 22.
PAULO: “Yesu . . . pamo na bamalaika bakwe aba maka . . . akaleta icilandushi pa bashaishiba Lesa.”—2 Tes. 1:6-9.
PETRO: “Ubushiku bwa kwa Yehova bukesa ngo mupuupu, . . . kabili isonde ne milimo iyabamo fikasokololwa.”—2 Pet. 3:10.
YOHANE: “Mu kanwa [ka kwa Yesu] mwalefuma ulupanga ulutali ulwatwa, pa kuti omineko inko.”—Ukus. 19:11-18.
MUNO NSHIKU
Baibo e citabo ico bapilibula mu ndimi ishingi nga nshi, kabili e citabo ico basabankanya sana
ABABOMFI BA KWA YEHOVA MUNO NSHIKU . . .
Balasabankanya impapulo ishingi nga nshi ishilanda pa fya mu Baibo mu ndimi ishingi sana
Balabomba ama-awala ayengi nga nshi cila mwaka mu mulimo wa kubila imbila nsuma