Ilyashi Lya Ku Cintubwingi Ilyaibela

Nani Walinga Ukuteka Abantunse?

Ni kateka nshi engacita ifi?

• ukupwisha ubupiina, no kupeela abantu bonse ifya kulya na mayanda ayasuma

• ukucilikila amasanso pamo nga ilyeshi lya tsunami, inkuuka shikalamba, nelyo ifinkukuma, ificusha abantu pano isonde

• ukufumyapo amalwele yonse, no kulenga na bakote babwelela ku bulumendo no bukashana

• ukupwisha inkondo shonse, no kulenga bonse abo ateeka baikala fye mu mutende ne cibote

• ukuwamya isonde, umwela, amenshi na fyonse ifyaba pano calo, no kulenga icalo conse caba paradaise

Kwaba fye Kateka umo uwingacita ifisuma fyonse ifi. Ni Kateka nshi uyu wine? Ici cipusho cikasukwa mu lyashi lya ku cintubwingi ilikakwata umutwe wa kuti “Nani Walinga Ukuteka Abantunse?” Ili lyashi lya Baibolo, likalandwa mu fyalo ukucila pali 230. Mu ncende ishingi, likabela pa Ng’anda ya Bufumu iya Nte sha kwa Yehova pa bushiku bwa pa Mulungu, pa 6 April, 2008. Inte sha kwa Yehova ababela uko mwikalila bakamweba inshita ne cifulo ukukabela ili lyashi. Tulemwita ukwisa-sangwako.