Mwikapuswa ku Kwibukisha Imfwa ya kwa Yesu

Ilyo kwashele ubushiku bumo ukuti afwe, Yesu aebele abasambi bakwe aba cishinka ukuti bafwile ukulaibukisha imfwa yakwe. Pa kubalanga ifya kucita pa kwibukisha Umulaalilo wakwe, Yesu abomfeshe umukate ushatutumuka no mwangashi uwakashika kabili aebele abasambi bakwe ati: “Mulecita ici ku kunjibukisha.”—Luka 22:19.

Cila mwaka, Inte sha kwa Yehova mu calo conse balalongana ku kwibukisha imfwa ya kwa Yesu. Mu 2014, ukwibukisha imfwa ya kwa Yesu kukabako pali Cimo pa 14 April, cilya akasuba kawa.

Mukwai tulemwita ukusangwako kuli ici icibukisho uko bakalondolola bwino ifyo imfwa ya kwa Yesu yacindama. Pa kusangwako takwabe ukulipila kabili takwakabe ukusonkesha imituulo. Abamupeele iyi magazini kuti bamweba inshita ne cifulo uko Icibukisho cikabela, nelyo kuti mwamona pa Webu site yesu pa jw.org. Kuti cawama nga mwalemba pamo pa kuti tamulabile ukusangwa ku Cibukisho.