AMASUKO KU MEPUSHO YA MU BAIBOLO
Bushe imfwa ya kwa Yesu yalenga tukwate mapaalo nshi?
Ilyo Lesa apangile abantu, alefwaya ukuti bakekale umuyayaya pano calo ukwabula ukulwala no kufwa. Lelo umwaume wa kubalilapo Adamu, taumfwilile Kabumba wakwe ne ci calengele ukuti afwe. Apo tuli bana ba kwa Adamu, na ifwe tulafwa. (Abena Roma 5:8, 12; 6:23) Lesa wa cine, Yehova, atumine Umwana wakwe Yesu ukwisatufwila no kutulubula ku mfwa iyo Adamu aletele.—Belengeni Yohane 3:16.
Yesu alifwile pa kuti tukakwate umweo wa muyayaya. Bushe mumona ukuti ukwikala umuyayaya muli paradaise pa calo kukaba shani?
Imfwa ya kwa Yesu yalilenga ukuti Lesa aletwelela imembu pa kuti tukakwate umweo wa muyayaya. Baibolo ilatweba ifyo cikaba ilyo tukekala mu calo ilyo takwakabe ukucula, ukukota, ukulwala no kufwa.—Belengeni Esaya 25:8; 33:24; Ukusokolola 21:4, 5.
Kuti tuleibukisha shani imfwa ya kwa Yesu?
Ubushiku ilyo ashilafwa, Yesu aebele abasambi bakwe ukuti bafwile ukulaibukisha imfwa yakwe. Ukwibukisha imfwa ya kwa Yesu cila mwaka kulenga twalatontonkanya pa fyo Yesu na Yehova batemwa abantu.—Belengeni Luka 22:19, 20; 1 Yohane 4:9, 10.
Uno mwaka, tukebukisha imfwa ya kwa Yesu pali Cimo, pa 14 April, ilyo akasuba kawa. Tulemwita ukuti mukalongane ne Nte sha kwa Yehova uko mwikala.—Belengeni Abena Roma 1:11, 12.