Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa August 30, 2010. Kangalila we sukulu akatungulula kuno kupitulukamo ukwa mamineti 20 mu malyashi yalandilwe ukufuma mu mulungu wa July 5 ukuyashinta mu mulungu wa August 30, 2010.

1. Ukutontonkanya sana pe pepo lya kupeela itempele ilyo Solomone apepele kuti kwatulenga shani ukumfwikisha ubuntu bwa kwa Yehova? (1 Isha. 8:22-53) [w05 7/1 ibu. 30 para. 3]

2. Mulandu nshi twingasosela ukuti nangula ca kuti Davidi alicitile ifilubo ifingi, kuli Yehova aali muntu uwali “no mutima wa cishinka”? (1 Isha. 9:4) [w97 5/1 ibu. 5 amapara. 1-2]

3. Mulandu nshi namfumu wa ku Sheba asoseele pali Solomone ati: “Balipaalwa abantu bobe; kabili balipaalwa ababomfi bobe aba abeminina pa ntanshi yobe lyonse, no kukutika ku mano yobe!”? (1 Isha. 10:4-8) [w99 11/1 ibu. 20 amapara. 5-7]

4. Cinshi twingasondwelela pali filya Yehova alandile ukuti Abiya eka fye e o akashiikwe mu nshiishi? (1 Isha. 14:13) [cl ibu. 244 para. 11]

5. Mulandu nshi cacindamine ukuti Eliya aile mu kumona Ahabu pa muku wa kubalilapo pa nshita ilya ailiilepo? (1 Isha. 17:1) [w08 4/1 ibu. 19, akabokoshi]

6. Bushe Eliya aloseshe mwi ilyo alandile ukuti abantu baali “aba mitima ibili”? (1 Isha. 18:21) [w08 1/1 ibu. 19 amapara. 3-4]

7. Nge fyo calangililwe kuli Eliya, ni ku bufwayo nshi Yehova abomfesha amaka yakwe ukukuma ku babomfi bakwe? (1 Isha. 19:1-12) [cl amabu. 42-43 amapara. 15-16]

8. Mulandu nshi Nabote akaanine ukushitisha ibala lyakwe ilya myangashi kuli Ahabu, kabili finshi twingasambililako kuli ici? (1 Isha. 21:3) [w97 8/1 ibu. 13 amapara. 18-20]

9. Ni mu nshila nshi umwanakashi umwina Shunemu ‘aipuswilile ifintu’ pa mulandu wa kwa Elisha? (2 Isha. 4:13)

10. Mulandu nshi Elisha akaanine ubupe bwa kwa Naamani? (2 Isha. 5:15, 16) [w05 8/1 ibu. 9 para. 2]