Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa December 27, 2010. Kangalila we sukulu akatungulula kuno kupitulukamo ukwa mamineti 20 mu malyashi yalandilwe ukufuma mu mulungu wa November 1 ukuyashinta mu mulungu wa December 27, 2010.

1. Cinshi twingasambililako ku bena Lebi bakemba ilyo balebomfya amashiwi ya kulumbanya Lesa ukulingana na 1 Imilandu 16:34? [w02 1/15 ibu. 11 amapara. 6-7]

2. Nangu ca kuti Davidi tabamupeele umulimo wa kukuula itempele lya kwa Yehova, umutima wakwe wali shani? (1 Imila. 22:8, 9) [w05 10/1 ibu. 11 para. 7].

3. Finshi ifyo Davidi imfumu alefwaya ukuti umwana wakwe Solomone eshibe pali Lesa? (1 Imila. 28:9) [w08 10/15 ibu. 6 para. 18]

4. Mulandu nshi babomfeshe bacilume ba ng’ombe aba mukuba ukupanga ica kutekapo icishiba caengwa? (2 Imila. 4:2-4) [w05 12/1 ibu. 19 para. 3; w98 6/15 ibu. 16 para. 17]

5. Bushe mu cipao ca cipangano mwali fye ifipapaatu fya mabwe fibili, nangu balisungilemo ifintu na fimbi? (2 Imila. 5:10) [w06 1/15 ibu. 31]

6. Bushe Solomone aloseshe mwi pa kulomba Yehova ukuti alekutika ku kupapaata kwa uuli onse ‘uulepepa nalosha kuli ino ng’anda’? (2 Imila. 6:21, 32, 33) [w05 12/1 ibu. 19 para. 8]

7. Bushe amashiwi ya kuti “icipangano ca mucele” ayaba pali 2 Imilandu 13:5 yalola mwi? [w05 12/1 ibu. 20 para. 2]

8. Kuti twabomfya shani amashiwi ayaba pali 2 Imilandu 17:9, 10 ilyo tuleshimikila? [w09 6/15 ibu. 12 para. 7]

9. Bushe ababomfi ba kwa Lesa aba ino nshita bali no kucita cinshi ukulingana na 2 Imilandu 20:17? [w03 6/1 amabu. 21-22 amapara. 14-17]

10. Finshi twingasambililako ku lyashi lya Mfumu Usia iyali ne cilumba? (2 Imila. 26:15-21) [w99 12/1 ibu. 26 amapara. 1-2; si ibu. 83 para. 24]